Polonia pranon mjekë nga Evropa Lindore për të luftuar mungesën e personelit

14:26 | 22 Janar 2021
Arbresh.info

Polonia dha licenca për pesë mjekë bjellorusë dhe ukrainas me një procedurë të re të thjeshtuar, ndërsa vendi përballet me një mungesë të personelit mjekësor gjatë pandemisë.

Licencat u dhanë në përputhje me një ligj të miratuar në fund të vitit 2020 që thjeshtoi procedurat për miratimin e mjekëve jashtë Bashkimit Europian.

Ligji i ri është mjaft i diskutueshëm, me disa shoqata mjekësore që shqetësohen se procedura e thjeshtuar nuk do të kontrollojë mjaftueshëm aftësitë profesionale dhe gjuhësore të mjekëve.

Megjithatë, ministri polak i Shëndetësisë, Adam Niedzielski tha në një konferencë për shtyp se procedurat e reja ofrojnë “një garanci të njohurive dhe arsimimit të mjekëve”.

”Disa dhjetëra lëvizje shtesë nga mjekë jo nga vendet e BE-së janë në vëmendjen e ministrisë”, tha Niedzielski./ATSh/